|
 05.11.09.
Sosiale nyheter 1: Det vert JULEBORD i Batalden skule laurdag 12. desember kl. 1930. Vi lover masse god mat, trivelege folk, dansemusikk og god stemning. Pris for alt dette kun kr. 300,-. Nøl ikkje med å melde deg på - alle utflytta Bataldingar, hyttefolk, familie og venner er velkomne. Påmelding innan onsdag 2. desember på liste i Batalden Landhandel eller send mail til grendelagsleiar Anders Norstrand på andnorst@online.no. Sosiale nyheter 2: Det vert BASAR i Batalden bedehuskapell søndag 8. november kl. 1600. Kaffi og kaker, trekning av årer og loddbøker og høve til å vinne mange gevinstar. Her finst noko både for små og store. Alle er velkomne til ei triveleg samkome i bedehuskapellet. |
 02.11.09. Mandag 2. november hadde Trond Strømgren bokslepp på den fjerde og siste boka om øysamfunnet Batalden. Det meste av det som kunne krype og gå var samla i skulen for å høyre og sjå om boka "Kultur, samfunnsliv og verdskrigane". Med innleving og lysbilete fortalde Trond frå boka si om livet her ute: det var kulturliv og korsang, handel og vandel før og no, men mest frå den andre verdskrigen og dei mange små og store dramatiske hendingane som utspelte seg i Batalden og øyane rundt om. Tilhørarane sat som lys og fekk høyre både kjente og mindre kjente av øyfolket sine historier frå krigens dager som no er foreviga i denne siste boka frå Trond. Etter 10 år og fire bøker er han no ferdig med soga om Batalden, der liv og virke er dokumentert og sikra for framtida, til glede for oss alle og etterkommarane våre. |
 01.11.09.Bokbåten besøkte Fanøya i dag. Folk strøymde som vanleg til for å levere inn bøker og låne nye bøker for mørke vintremånadar. Om bord var det både hyggelege bibiotekarar og mannskap som gav oss den beste service. Med båten følger det alltid spanade gjøglarar, musikantar eller skodespalrar. Denne gongen var det Teater Fusentast som underheldt både vaksne og born. Bokbåten stopper heile 39 stader i fylket og er eit flott tilbod til alle som bur rundt om utkantstoka. |
 30.10.09. Enrico og Wenkce med familie har no budd på Fanøya i fire månadar. Familien frå Tyskland har godt humør og leiger huset til Ottar. Dei har gjort ein stor innsats på uteområdet, og det har vorte flott i hagen og rundt huset. Dei tre barna Imke, Merlin og Bjarne går alle på Batalden skule. På biletet er også Gard frå Nordalsfjorden med (i midten til venstre). Han er venn av Merlin, og var på besøk denne helga. Enrico har med seg mange gode sildeoppskrifter frå Tyskland, og har allereie laga mykje godt av havtes sølv. |
 28.10.09.God morgon til resten av verda frå Batalden. I dag hadde vi ein fantastisk soloppgang. Høgare makter hadde ikkje heilt bestemt seg for om det skulle bli sol og finver, eller overskya og regn. Vi får sjå kva det blir til utover dagen. Søndag 1. november er det grendalagsmøte i skulen, hovudsaken er julebord. Måndag har Trond Strømgren bokslepp og lanserer den fjerde boka om livet i Batalden. Dette bindet handlar om kultur, samfunnsliv og verdskrigane. Multimediaframsyning om krigen kl. 1800 i skulen på Fanøya. Kaffi og kaker til alle. |
 01.10.09.Vil du bli millionær? Gjer i så fall dine innkjøp på Batalden Landhandel. Frå 1. oktober får kvar 500- ande kunde ved butikken på Fanøya eit gratis Flax-lodd og kan vinne opptil ein million kroner. Laurdag på partalsveker vert det også trekning av eit Flax-lodd blant dei som har handla for over 500 kroner siste 14 dagar. Dessutan har Batalden Landhandel mange gode og frivillige hjelparar. Desse skal også få si belønning, og kvar laurdag i oddetalsveker trekkast ein hjelpar ut som den heldige vinnar av eit Flax-lodd. Denne ordninga for potensielle millionærar gjeld alle som handlar eller hjelper til på butikken, anten du er fastbuande eller kjem frå Florø eller Paris. Trekning finn stad i butikken kl. 1545. |
 28.09.09. Vår svært så driftige fiskar Odd Atle Norstrand er som vanleg på havet både seint og tidleg. I starten av september fekk han ein uvanleg fisk i garnet nordvest av Store-Batalden. Det var ein månefisk, ca. 20 kilo tung. Nokre dagar seinare såg Odd Atle ein mykje strørre månefisk i overflata medan han drog garn. Til vanleg lev desse fiskane i tempererte havområde, men det hender at eksemplar tek turen nordover norskekysten. Dei største månefiskane kan verte opptil 3,5 meter lange og vege over 2300 kg. |
 17.09.09. Den flotte nærbutikken vår Batalden Landhandel har masse gode tilbod denne veka og neste veke (fram til 27. september). Ei rekke varer er prisa til kun kr. 10,-. No har alle høve til å gjere nokre gode kupp. Butikken ønskjer også hytte- og båtfolk velkomne til ein god handel. Tilreisande med båt kan til vanleg ligge ved kaifronten på den gamle rutebåtkaia, rett nedanfor butikken. |
 10.09.09. Tid for hausting av naturen. Det er også anna enn fisk å få her ute i øyriket. Batalden Gard sitt jaktlag var i sving i Store-Batalden på første dagen av hjortejakta. Kort tid etter at jegerane hadde kome på land, skaut Johnny Seljeseth to dyr. Litt seinare skaut Adelaide Batalden (16) ein storvakse bukk på ca. 100 kg, ein uvanleg stor 5 greinar. Skothaldet var 150 meter, og det var ein flott prestasjon av den unge og spreke førstegongsjegeren. Gratulerer med den gode jakta til både Adelaide og resten av laget. |
 08.09.09. No er sommaren over også her i Batalden, og i dag passerte den første hauststormen. Det var friske kast og "ruskut å leggja utpå". Elles hadde vi ein svært triveleg krabbefest på bua til Odd Atle nokre dagar før. Både tilreisande og fastbuande åt krabbe og kreps med tilbehør, og sia dansa vi til dei seine timar. Og ute på kaia kunne vi sitje og prate i det varme nattemørket, medan ein full måne kasta sitt lys over Fanøya. Takk til Ståle som fiska krabbe og kreps, til Anders som organiserte og til Odd Atle for bruk av bua og kaia. Det er bra vi har slike karar på øya! |
 24.07.09. Midt i ferietida vrimlar det av brisling i vågane på Fanøya. Inn på vågane kjem også mange niser for å ete seg gode og feite. På Søre-Fanøyvåg har ei lita nise for tida teke fast tilhald, til stor underhaldning for både store og små, fastbuande og feirefolk. Nisa sym så nær flytebryggjene at det nærast er mogeleg å klappe ho. Fanøya kan dermed by på "whale-watching" på nært hald, og folk som tek turen ut får ei oppleving utanom det vanlege. |
 23.06.09. Butikken på Fanøya har fått nye eigarar og har skifta namn til Batalden Landhandel. Innbyggjarane i Batalden, hyttefolk, feriegjestar og fleire bedrifter gjekk saman og danna eit aksjeselskap som driv butikken. Batalden Landhandel har igjen fått løyve til sal av alkholhaldig drikke etter eigarskiftet, og kan no tilby kundane eit rikhaldig utval av dei fleste varer ein treng til kvardags. Jolanda Tervoort står framleis i kassa, og har med seg dagleg leiar Åshild Seljeseth og andre hjelparar i travle tider. Opningstidene finn du til venstre. Klikk på bildet for større versjon. Butikken har framleis ein liten kafèkrok, og her er det gode høve til å ta ein kopp kaffi og slå av ein triveleg prat med andre. Vi ynskjer både fastbuande, hyttefolk, feriegjestar, båtfolk og andre vel møtt til ein god handel ved butikken på Fanøya. Båtfolk kan legge til ved nordre del av rutebåtkaia medan dei handlar. |
 17.05.09. Vi hadde ein flott 17.-mai i Batalden. Vêret var strålande, folket blide og maten smakte som vanleg godt. Etter oppmøte ved skulen kl. 1200 gjekk toget sørover og runda ned på den nye rutebåtkaia. Det er tradisjon at toget kvart år går på ein ny vegstubb på Fanøya, og denne tradisjonen høvde bra i år også. På skuleplassen var det leikar og underhalding for store og små, deretter middag med rømmegraut og spekemat på menyen. Ernst heldt ein fargerik tale for dagen, der han mellom anna hylla kystbuarane og fiskarane. For å understreke nokre av poenga stilte han i skikkeleg antrekk. Utpå ettermiddagen, og med rikeleg mengder kaffi og kaker som dopingmiddel, var det bordvis quizkonkurranse og hard tevling. Dagen vart avslutta med premieutdeling i sekstida. |
 05.05.09. Vi skal gjere Fanøy klar til fest! Torsdag 7. mai vert det felles rydding av boss langs vegane. Grendalaget håper at alle som kan krype og gå møter på skuleplassen kl. 1800. Alle får bossposer, og så går vi gruppevis til kvar vår vegstrekning og rydder. Etter ryddinga er det sveler og kaffi/saft på skuleplassen. Alle vel møtt, også hyttefolk og andre frå Florø. Vi sjåast til ei triveleg økt saman. |
 01.04.09. Heia Unni som feirer dag idag ! Dette var mine første ord som nettredaktør på fanoy.no Mitt navn er Siv Klokkernes, og eg har tatt over etter Solgunn og Trond som har gjort en kjempeflott jobb så langt. Håper at eg vil klare å føre videre nettsidene like bra som dei har gjort. Dersom det er noken som har tips og/eller ideer ta kontakt med meg. |
 01.04.09: "Posten kjem alltid fram", heiter det. På Fanøya er det Unni som sørger for det. Mest kvar dag og i all slags vêr syklar ho rundt og fordeler posten. I dag har Unni eit spesielt jubileum: Ho har hatt ansvar for posttenesta i Batalden i nøyaktig 25 år. Vi gratulerer med dagen og ønsker lykke til vidare. |
 30.03.09: Reiulf og Torleif er to karar som tek miljøet på alvor. Dei padlar langs fjørene og plukkar boss og anna som har drive i land. Flåta si har dei bygd sjølve av to pallar og noko isopor dei fann i ei fjøre. På slep har dei ein mindre flåte til boss. I starten av mai skal det vere felles bossrydding langs vegane på Fanøya. Øya skal verte fin til både konfirmasjon og 17. mai. Meir informasjon om dette kjem seinare. |
 23.03.09: Våren har forlengst kome til Batalden. Krokus, snøklokker og andre blomar i tusental gjev oss ein forsmak på sommaren. Det er herleg! Alle må gjere seg klar til sosial aktivitet. Sanitetsforeininga i Batalden arrangerer søndagskafe i skulen med åresal søndag 5. april kl. 1700. Masse flotte gevinstar, og sal av kaffi og kaker. Ta båt ut frå Florø kl 1430 og bli med. Alle vel møtt. |
 16.02.09: Sanitetsdamene på Fanøya samla seg tradisjonen tru for å lage fastelanvsris i år også. Dette er alltid ei triveleg økt, og praten går om laust og fast medan risa tek form. Alle husstandane på Fanøya får så besøk av sanitetsdamene og kan kjøpe fastelavnsris. Sanitetsforeininga jobbar for fellesskapet og tek gjerne imot nye medlemmer.
|
 14.02.09: Stein Endre Ulriksen kom sist veke heim til Batalden med ein splitter ny Selfa-sjark på 35 fot. Båten har fått namnet "Ytterøy", og skal nyttast til garndrift og makrelldorging. Vi ynskjer lykke til med fisket, og måtte hell og lykke følge båten på havet.
|
 Desember 2008: Foreldra i Batalden arrangerer filmframsyning i skulen annakvar måndag. Skulebarna troppar fulltallige opp og har ei triveleg stund saman. Popcorn og brus går ned på høgkant, mens spanande eller morosame filmar gjer at håret reiser seg på hovudet eller lattermusklane vert sett på hard prøve.
|
 21.11.08: SKULEPLASSEN:Leikehytta har fått terasse! Ungane testar kvaliteten på byggverket og flinke foreldre får "godkjent" av jublande ungar. Den har vore ein god stad å leike i alt ruskeveret vi har hatt i det siste.Julebord laurdag 29. november. Skriv deg på lista i butikken, for dette blir gøy! |
 Nina og Rune sin lille prins har fått namnet Viljar. Han vart døypt 9. november her på øya. Velkommen som yngstemann og øyas yndling.
|
 Trond har gitt ut ny bok! Den handlar om dramatiske forlis og utvandring frå Batalden til fjerne strok. 16. oktober 08 var det bokslepp med vaflar i skulen. Det var ein spennande presentasjon med mange nye og overraskande historier frå fortida.
|
 30.09.08: Det blomstrar flott i bedet utafor kirka. Batalden Bedehuskapell hadde nyleg dåpsgudsteneste og Lovinda og Harald Johan er bygda sine konfirmantar i år.Skuleturen til Nesholmen er vel overstått med fantasisk ver, bading og grilling. 22 voksne og barn stortrivdes og kanoane var flittig i bruk. Takk til skulen for eit godt arrangement. |
 18.06.08: Øyvind sin siste dag som rektor i Batalden. Vi har blitt veldig glade i denne saklege og humørfyllte mannen gjennom i 10 år. Vi ønskjer han lykke til og takkar for at vi har fått hatt han så lenge i bygda. Og så vil vi ønskje nye-rektoren vår Bjørg hjarteleg velkommen til oss.Vi sender varme tankar til Fredrik og freldrene og er glade for å ha dei heime att. VEIKINGKONVOIEN vart vellykka også i år. Flott ver og rekordbesøk gjorde til eit godt overskot i grendalagskassen. Takk til alle som gjorde ein kjempeinnsats. VI HAR BESTILLT GODT VER HEILE DENNE HAUSTEN OG MOTEKE I RIKT MONN. Aldri har vi vel ete meir blåbær og plommer og kunne sola oss til langt ut i september. |
 Odd Atle si nye kai er snart ferdig. Vi ser fram til en ny kaifest og reiknar med at Trond stiller med rundkøyring eller anna moro.Høgspenten er no nedteken og vi har opna opp øya for store båtar og høge master. Blir ferjekaia no for lita? |
 KAIFESTEN 11 juni 08 vart velykka. Skuleungane sang og hadde laga herleg fiskesuppe til dei 120 gjestane. Fritjof Urdal held ei slagferdig opningstale i kjend stil etter at Sigrid Batalden klypt den historiske snora. Firda og Firdaposten hadde god dekning og endåtil Spiderman kom i avisa. |
 Pinseafta fekk vi besøk av 3 kjekke politimenn. Frå venstre Joar Halvorsen, Kåre Toreid og Kjell Magne Barsnes.17.mai er vel overstått i Batalden.Torgeir Sæverud Higraff held tale og ga oss også god dekning i Firdaposten, både på nettet og i papirutgåva. Vi hadde perfekt bunadsveir og alle fekk ete seg gode og mette på pølser, is, brus, betasuppe og i tradisjonell Fanøy-stil; eit bugnande kakebord. TAKK for flott dugnadsinnsats på LEIKEPLASSEN! |
 TRAKTORTUR MED JOSTEIN ER GØY!3.april 08 kom ferjelemmen på plass og det nermar seg kaiopning med fest og moro. Det ser ut til at vi får eit kjempefint kaianlegg. Men vi kjem til å sakne "dei oransje" som har lyst opp for oss i vinter.. Arbeidet med leikeplassen har starta opp. Vi håpar at alt skal stå klart om ein månads tid. Team Øyvind har verkeleg fortent masse ros for innsatsen. Batalden Sanitet har bevilga 3000 kr til leikeplassen. Tusen takk! |
 03.04.08: Sjøl om vårsola dei siste dagane har smelta snøen, må vi unne oss eit siste vinterfoto. Her har vi Amalie i fin stil. Dersom du vil sjå henne i større format er det bare å klikke på bildet. Skidagen på Humlestølen 27.mars var "by the way" ein suksess som alltidNo er det nye grendalagstyret valgt: Anders, Merethe, Unni, Trond, Oddny, Anne-Lise og Sigbjørn. Gratulerer til alle og lykke til med arbeidet! |
 Påska 08: Vinteren kom tilbake med full kraft og gjorde det kvitt og vakkert i påska. Ungane storkosa seg og laga hopp i akebakken til Halvor. Med fullmåne og stille ver vart det ei uforgløymeleg stemning som fekk mange til å gå seg ein kveldstur etter påske-krimmen.Tilflyttingsgruppa har starta opp att med faste møter og er glade for å få Merethe som nytt medlem. |
 11.03.08. Krokusmyra til Ottar har slått ut i full blomst. Det flotte veret gjer at ingen kan vere inne med god samvittighet. Syklane er ute og flittig i bruk. No er det bare å ta med kaffikoppen ut i vegen og slå av en prat med andre våryre øybuarar...Det er snart klart for val av nytt styre i grendalaget. Vi har halde årsmøte og det har meldt seg mange gode kandidatar til det nye styret. Vi vil prøve å lage eit data-kurs for nybegynnarar i skulen no med det første. Dersom det er nokon som vil vere med, enten som elevar eller hjelparar, kan ein skrive seg opp på lista som heng i butikken. Vi ventar i spenning på kva som skjer når Odd og Annbjørg sitt hus no skal for sal. Det er fleire på øya som er interesserte og vi gledar oss til å sjå kven som skal flytte inn. |
 Tysdag 4.mars 08 fekk vi eit forrykande snøveir. Det kom brått på oss øyfolket som var blitt vande med våren. Gøy likevel for alle barn med ski og akebrett som har stått ubrukte lenge. For dei få som søkte ly på butikken var det fin stemning med kaffi og skrapelodd.Vi hadde besøk av bokbåten søndag 9.mars med dukketeater for små og store barn. |
 25.02.08: Stille ver og fullmåne... Dei fleste har hatt ein vinterferie prega av overdose medvind og våte velsigningar frå himmelen. Ny dato for dugnad på skuleplassen er sett til tysdag 1. april. Vi gratulerer Rognaldsvåg med ny heimeside. Sjåwww.havglimt.no.Sida er framleis under utarbeiding og det ser veldig bra ut allereie. |
 19.02.08: I hagane blomstrar Krokus, Snøklokker og Iris midt i februar! Takk til Rune og Co som igjen slo til med kjempefest i skulen og til Fjord1 som har sponsa oss med 5000 kr til leikeplassen. Merethe får skryt for Fanøy Avis som ho legg ut på butikken kvar mandag. Ho vil gjerne starte med revy-gruppe, kjempebra! Ellers er Skanskas mange oransje menn i full aktivitet med kaia.
|
 31.12.07: Her kjem endå eit bilete frå 100 års jubileettil bedehuset vårt. Knut Magnussen har sendt oss bildet. På julafta møttest vi tradisjonen tru for å synge og ringe jula inn kl 5. Robert spelte trompet og Anne Marit leste jule evangeliet for oss. På 2. juledag var juletrefest. Det var Stubbhaug sitt muligens siste offesielle juleoppdrag i Batalden sidan han går av med pensjon snart. Det vart ein ekte ruskever men nissen kom likevel med gotteri til alle barn.
|
 Desember 07: Kvernhusvågen er som vi ser er i stadig utvikling.. Julebordet 8.desember vart ein suksess. Takk til Rune Kvammen og team! Butikken sitt 7 års jubileum vart feira 1.desember. Vi har hatt ei fin førjuls-tid i år med stille og mildt ver. Juleavslutninga for skulen hadde vi 16.des og ungane framførte julespel og bygdefolket fekk stappe i seg store mengder herleg julegraut.
|
 SISTE REIS FOR SNIELEN: Etter 20 trufaste år på skuleplassen skal leikebåten på bålet. Han vart bygd i 1935 og har frå 1958 vore eigd av Rolf, Karl, og Einar Russøy. Det gamle sklie-tårnet er revet og skal erstattast med eit nytt. Granene er som vi ser nedsaga, og fotballbana framstår bokstaveleg talt i eit nytt lys. Den lafta leikehytta skal kleast opp og få dør og vindu. Vi vil også prøve å skaffe pengar til ein liten karusell der som båten før stod. Ungane gledar seg vilt til fornyinga og har vore engasjerte i planlegginga og rydding.
|
 21.10.07: Her ser vi Olai Hillersøy og Sigrid Batalden motta blomster, heider og ære frå Bedehuset ved Åshild Seljeseth. Ståle fekk også mykje velfortent ros for engasjementet sitt. Han har hatt god hjelp frå mange flittige damer. Vi feira verkeleg oss sjølve og bygda denne dagen. Det kom også nokre veldig fine bydamer på besøk som musiserte om dyrene i Affri-ka. Kjempeartig innslag.
|
 Batalden Bedehuskapell fylte 100 år på søndag 21.oktober 2007. Odd Stubbhaug, Jorunn Hordvik, Knut Magne Nesse og Prost Reidar Knapstad heldt jubileumsgudstenesta. Med god hjelp av organist, trompetist og skuleungane som leste og sang vart det ei høgtideleg og minnerik feiring. Etterpå vart det staselig kyrkjkaffi. Firda hadde journalist til stades og lagde eit flott oppslag i tysdagsutgåva. Takk igjen til alle som har gjort ein kjempefin innsats.Her har vi Tiril og Reiulf på ein haustleg flåtetur. Gjert-Erik fann den enorme isoporklossen på rek og tenkte at den måtte jo kunne brukast. I bakgrunnen ser vi Eva sin nye båt. Gratulerer med vel overstått 50års bursdag! Velkommen til familien Haaland som har flytta inn i Ottar-huset. Merethe og Sigbjørn med Maja på 6 og Silje 9 år, er glade for å komme til Fanøy. Så har Merethe begynt å jobbe på Øytex og ho trivast kjempegodt. Jentene har fått mange nye venner og har difor nesten ikkje tid til å vere inne i hus. Fanøyfolket er lykkelige for å få så mange kjekke tilflyttarar ! Sigbjørn og Merethe vil takke alle som var med å hjelpe med flyttelasset. |
 Her kosar Dolly og Donald seg i badefjæra. Ande-pappa Jarl har sett opp flott hus med luftegård. Der trivast dei veldig godt og gledar seg til å få besøk av alle med brødsmular... Foten til Dolly er heilt frisk att. NRK Sogn og Fj.laga eit artig innslag om endene våre på radioen. Du kan få tilsendt lydfil på mail om du vil høyre.
|
 Sjå kor flott huset på Holmen er blitt ! Dette må verkeleg kallast ansiktsløfting, og då av dei svært vellukka. Som alle bildene i nyhetsdelen er dette klikkbart. Prøv og sjå sjølv..Vi har tenkt å arrangere ein bli-kjent-fest med det første. Dei som har lyst å vere med å lage i stand kan melde seg til tilflyttingsgruppa. |
 Endeleg er sjøkabelen på plass. Vi har jobba for denne saka lenge, og det er verkeleg grunn til å feire at høyspentledningane over søre Fanøyvågen ikkje vil hindre ferdselen til øya. Vi sender blomar til SFE!
|
 Her er dei første nye tilflyttarane våre. Tove Mette, Geir Magne og Sofie stortrivst på Fanøy. Vi håpar dei vil fortsette med det og ønskjer dei igjen hjarteleg velkomne!Det er full fart med dugnad på Ottar sitt hus. No er endåtil dei enorme granene tekne ned og huset ser ut som det gledar seg til å ta imot nytilflyttarane... |
 Det var stor stas når Odd Atle kom til øya med den nye Frøy. Grendafolket møtte fram og ønskte velkommen. Det vart champagnedåp og omvisning. Etterpå vart det kaker og kaffi avec på kaia. Båten er 35 fot og svært moderne utrusta. Gratulerer med flott skute!Gledeleg melding: Vi ventar ein familie med 3 barn som er interessert i å flytte til Rydning. Så dersom dei likar oss, blir det endå fleire nye Bataldingar. Vi kryssar fingrar! |
 Laurdag 11.august er det klart for Robåttreff og sommardans. Kl 12.00 startar vi med segling og kapproing. Deretter blir det leikar for barn og vaksne og sal av mat og drikke i stort telt på skuleplassen. Loppemarked får vi i år og. Dansen tek til kl 22.00 og det er Jorunn med Partner som spelar variert dansemusikk. Søndag blir det samsegling i øyriket. Velkommen!
|
 RYDNING er til leige. Nedlagt gardsbruk på Vevlingen på 250 mål med uthus vedahus og fjøs. Stort hus med 5 soverom. Betongkai med sjøbu. Veg 600 m til rutebåt til Fanøy og Florø. Ca 5000 pr mnd. Ta kontakt med Helge Kristiansen på tlf 90184238.
|
 ANDAVÅGEN Huset på Nyborg brann ned til grunnen ein tidleg desember-morgon. Det var ein eksplosiv brann som er ein kunne sjå frå store avstandar. Harry Johanessen låg og sov inne i huset. Han kom seg heldigvis raskt ut og fekk varsla brannvesen og politiet. Dei kunne ikkje anna enn hindre at brannen spreidde seg til andre bygningar. På under 2 timar var huset fullstendig nedbrendt.
|
 GØY PÅ FANØY vart det verkeleg laurdag. 125 personar koste seg i eit fullstendig stressfritt miljø. Alfred og seinare Oddvar lagde god stemning med trekkspel. Stein Olav var ein dyktig grillsjef og hadde flinke hjelparar. Det gigantiske kakebordet overgjekk all forventning. Flott jobba! Trond er ein ekte sjørøvar og gjorde stor suksess med skattejakt. Utsikten frå Anne Lise sin Vestkant tok pusten frå dei fleste. Potensielle tilflyttarar fekk verkeleg ein dag med nye opplevelsar og inntrykk. Så får vi sjå om nokre lar seg friste til å prøve øylivet..
|
 Her skal Reiulf og Lovinda flytte inn! Huset på neset er også leigd ut. Det er familien Nord som har flytta inn der. Huset til Ottar er også leigd ut til ein familie frå Askøy med ein første og ein fjerde klassing. Hjertelig velkommen til alle sammen! Det tek tid med ombygginga av Joker Fanøy. Det er sommarferie men likevel er ikkje alt klart. Halfdan er tilbake frå ferie og skal assistere Jolanda i sommar. Vi hadde besøk av 100 speidarar frå landsleiren på Svanøya. Dei overnatta i telt på "Bakken Camping" og storkoste seg. Kystaktiv hadde ei flott veke på Fanøy som vart avslutta med Havets Festbord på Laurdagen. Sjå www.kystaktiv.no. |
 LAURDAG 9.JUNI vert det AKTIVITETSDAG! Alle som bur på øya og alle som lurer på korleis det er å bu her er hjertelig velkomne. Tema blir GØY PÅ FANØY. Skulen og barnehagen skal presentere seg og det blir omvisning på øya. Dei som har tomtar til sals og hus til leige vil vise rundt. Det blir krabbeleiting og skattejakt for dei yngste. Vi skal grille laks og ha stort kakebord. Vi håpar på knallver selfølgelig. Joker Fanøy vil halde ope og lovar overraskelse til alle barn... Det vert inga påmelding til denne dagen. Dagning går frå Florø kl 14.30 ,og alle vil få gratis retur med Havskyss ca kl 18.Vi arbeider stadig med å skaffe fleire hus til utleige,og vi har hatt interesse frå fleire familiar i samband med plakatkampanjen. Spennande! Gunnhild skal ha opning av Galleri Havbu søndag 10 juni. Båt frå Florø kl 14.30.Vi gledar oss! Dersom du har lyst å vere med å hjelpe til med arrangementet laurdag eller har idear er det berre å ta kontakt. Vi gledar oss til ein kjempefin bygdedag. Onsdag 30.mai var det historisk vandring på Fanøy. Trond viste rundt på øya og dei 50 som var med frå Florø fekk ei god innføring i øyas utvikling. Det vart regn og vind men gjestene koste seg likevel. Jolanda og Ab hadde laga fint til inne på butikken og severte nysteikte sveler og kaffi. Det var flaks at det var midt under ombygninga og dei kunne sette ut bord og stolar på det midlertidige dansegolvet før alt utstyret skal tilbake på plass. Mindre flaks var det at ein septiktank måtte seie takk for seg akkurat denne dagen. Så får vi håpe at svelelukta retta opp att det noko stinkande førsteinntrykket.. |
 17.MAI I BATALDEN.Sola skin og det er ein perfekt dag å gå i tog. Robert spelte trompet for oss. Tilbake i skulen song skuleungane for oss. Anne Lise leia dagen og Gunhild spelte piano. Rune hadde laga kjekk hjernetrim for oss og den mest populære leiken ute var spiker-slåing. Rebusløpet var med som vanleg. Til middag fekk vi herleg betasuppe og etterpå kunne vi ulyste oss på kaker av alle sortar. Takk for ein fin dag.
|
 Øyvind Bang Olsen held tale for dagen. Han skrytte av nettsida vår i to omgangar! Sånt kan vi like... Ellers meinte han at å bu så nært elementa som vi gjer gjev ein indre harmoni eller stoisk ro. Og så hadde vi styrken i at vi tok vare på kvarandre. Vi takkar for fin tale og alle gode ord.Dersom nokon vil ha bilder frå 17.mai feiringa er det bare å sende oss ein mail på post@fanoy.no Vi vil gratulere Aase med 50 års dagen i dag. Hjertelig tillukke frå oss alle! Familien Hansen kom som ein ekstra overraskelse. Det vart gjensynsglede for store og små. Etter det offesielle programmet var over heldt ungane vannkrig på skuleplassen i fleire timar. |
 Fredag 11 mai vart vi invitert på Sildefest på skulen. Ungane var på Kystmuseet i mars og flekte og stelte silda som no skulle serverast. Tilbehøret var blandt anna bakte poteter og grønnsaker som dei steikte på bålet. Tørkasilda var av beste kvalitet og ungane fekk masse skryt for jobben. Det var kjekt for oss vaksne å vere med denne fine dagen. HUSK AV SILD BLIR DU SNILL MEN OGSÅ VILL , eller var det omvendt? Godt smakte det..
|
 Så kjem det som er det kjedeligaste når det er fest - OPPRYDDINGA. Øyvind gjev nøyaktige instruksjonar til troppane, og sjølv om ikkje entusiasmen er på topp, blir alt rydda pent på plass. Ja,det er flinke ungar vi har. Takk for at vi fekk komme på den fine festen.
|
 8.mai. Gratulerer med ny båt Jon! Det er ein Viksund 340 St.Cruz og vi kjem gjerne på flybridge- besøk i sommar.Båtmessa i Florø er over for i år og øyfolk kan få lov å parkere på kaia. Neste år kan vi kanskje få gratis inngangsbilettar sidan vi var så flinke til å trylle bort bilane våre.. Vi har frå sikre kjelder at komunen no vil avgiftsbellegge parkeringsplassen vår. Så berre ring til dei og sei kva du meinar. Korleis har dei tenkt at vi skal putte pengar på automaten her utanifrå. Det er ikkje alle som er i Florø dagleg og vi kan ikkje ta bilane med ut her kun for å parkere, kan vi vel? Send oss ein mail om kva du synest. |
 Søndag 6.mai ankom yndlingstrekkfuglen vår øya. Kristina er den svenskaste innbyggjaren vår og med henne kjem sommaren. Etter ei vekes tid går turen som vanlig til Myken. ( OK, dei får låne henne litt dei og..) Så reiknar ho med å komme tilbake i juli og tilbringe resten av sommaren her hos oss. For tida hjelper ho Trond med å lese engelsk korrektur på den nye boka som nærmar seg ferdig. I august må vi kjøpe Seilmagasinet og Båtmagasinet for då kjem det tre artiklar som Kristina har skrevet.2.mai var Fanøy og underteikna på radio. Norgesglasset spanderte 7min direktesending på tilflyttingsgruppa sitt arbeid. Kjempeflott reklameplass som førte til stor ineresse frå potensielle øybuarar. Du kan framleis høyre innslaget på nrk.no. Finn radio, Norgesglasset og søk på Fanøy eller datoen 2.mai. Lydfila blir liggande 3 veker etter programmet. No er snart programmet ferdig for 17.mai festen. Det blir tradisjonell feiring med tog, mat og sosialt samvær. Dagens talar vert Øyvind Bang Olsen, og finveret er selfølgeleg bestillt. |
 VÅREN ER HER! Vi vil takke alle som har sendt helsingar og gratulasjonar på mail til oss. Det er kjekt å få så mykje positiv respons.Torsdag 10 mai held grendalaget årsmøte i skulen kl 17.30. Det vert også informasjon om arealplan for Fanøy ved Otnes. Kaffi og kaker. Vi beklagar at vi har gløymt å takke Elkjøp og Firdaposten for sponsing av fotoutstyr. Det er framleis ledige plassar på båten kl 2100 til pubkveld på Klokkargarden på Reksta. Retur ca 0100, ring Jostein om du skulle vere interessert. Teaterkvelden går ut. |
 1.MAI I BATALDEN. Sola skin og alle er ferdige med sjølvmeldinga. Nokre har overnatta i telt i natt.. Det tradisjonelle 1mai-toget på Vevlingen er foreløpig avlyst. Men Ernst syng gjerne internasjonalen med alle vers til dei som møter opp likevel.Biletet viser huset til Selma.Ho skal byggje på for å få betre plass til ulike hjelpemiddel. Ho trivast best på Fanøy og meinar at det å vere handikappa ikkje betyr at ein må bu sentralt. Vi har eit godt service-tilbod her ute. Dei nye båtane gjer det lettare å reise med rullestol. I Florø har dei til dømes ikkje ein einaste buss som er tilpassa funksjonshemma. Det er Frode Langedal som har teke jobben og det skal stå klart til sommaren. |
 26. APRIL, EI NETTSIDE ER KOMEN TIL. VERDA I DAG! GRATULERER BATALDEN. DEN LYKKELIGE NYFØDDE SKAL HEITE FANØY.NO. Målet er å oppdatere sida hyppig med kvardagsleg stoff i alle regnbuens fargar. Takk til alle som kom i kveld og til ungane som steikte vaflar og song for oss.Takk til Berit Seljeseth Osa, ordførarkandidat for Høgre, som var gudmor og stod for klypping av navlestrengen. Så må vi og takke alle som har vore med i prosessen og særskilt Jan Otto Hovden og Vestdesign som har laga Fanøy-sida. No er det berre å følje med korleis denne beibien vår vil vekse og utvikle seg framover. Kanskje får den web-kamera til ett-års dagen. Gjestebok til to-års dagen? Kven veit kva meir spennande som vil skje, så du blir nøydd å kikke innom ofte... |
 Rektoren vår Øyvind Østrem seier han er glad for at grendalaget har sett i gang tilflyttingsprosjektet. Det er viktig at Batalden-samfunnet viser seg som ein utkant med eit sterkt ønskje om å bestå. Barnetalet på øyane er generellt på veg nedover.Dei utkantane som ikkje mobiliserar no vil truleg forsvinne seier han.Vidare meinar han at vi har samanfallande interesser med Flora Komune når det gjeld tilflytting. Dette er noko vi må dra saman. Det er viktig for Flora og behalde mangfaldet og ressursane som utkantane representerar. Han tykkjer det er flott at vi greier å engasjere heile øya, og ikkje berre dei som har små ungar. Skal vi lykkast trengs slike prosjekt som de her har starta. Han synest dialogen som tilflyttingsgruppa har fått med Boligbyggelaget er interessant og håpar det vil bli eit samarbeid som bærer frukt. Vi satsar på at barnehagen skal kunne opnast att til hausten og såleis vere med å stabilisere rekrutteringa til skulen på eit høgare nivå i åra framover. Fanøy er eit positivt samfunn og ein god stad å vekse opp. Han ønskjer gruppa lykke til med arbeidet framover og er spent på å sjå resultatet av innsatsen. |
 KVEN HAR SAGT AT SKOREIMAR IKKJE VEKS PÅ TRE? Det gjer dei iallefall borte hos Sandy og Gunn-Anne! Vi måtte høyre kva det var med denne kunstferdig opphengte trepynten. Jo, det er kirsebærtre, nyplanta og fine. Skoreimane er eigentleg blyline som skal tynge greinene ned. Då vil dei bære frukt tidlegare. Slik heng det altså saman. Det var ikkje performance-kunst likevel, men slett ikkje verst å sjå på. Så er det bare å følje med om det er andre kjekke ting som vil vekse på tre utover våren og sommaren... Til helga er det ein nabo som jubilerar. Ab fyller 50 og den unge mannen skal feirast med stor fest. Ellers har det vore fleire runde dagar nyleg. Vi vil gratulere Tone med vel overstått 50, Åse Korneliussen som nyleg hadde 60årsdag og Kåre i Andavåjen har feira sine 70 år. Gratulerer til dykk alle! |
 "Pomfrimurar" Rune Bareksten lagde flott fest for oss på påskeafta. Saman med sine mange gode hjelparar trylla han fram eit festbord med marinert lammelår og alt tenkjeleg tilbehør. Denne kvelden overgjekk Rune seg sjølv såpass at det var fare for å svelje tunga. Dessert og kakebordet etterpå gjorde sitt til at vi var nær på å miste gångemakta av alle herlighetene. Rune er fornøgd med arrangementet og for at alle fekk ete seg mette og glade denne kvelden. Vi håpar det ikkje vert lenge til neste fest..... Rune har planar om å utvide flytebryggja og lage rekkverk langs kanten. Han ser for seg eit nytt og sjønært samlingspunkt i bygda. Vi ønskjer han lykke til med planane og ser for oss stadig nye muligheter for å ete oss gode og mette saman med Pomfri-sjefskokken Rune. |
 Slik såg det ut når Tansøy var innom torsdag 19. april. I framgrunnen ser vi og Frøy og Havskyss. Lasteruta hadde med seg varer til butikken, men måtte først losse ei mengd byggjematreal. Båten låg ved kai i over ein time, så alle passasjerane fekk godt høve til å nyte Fanøy i snøkave. Terje Nyhammar står ved kranen. Den kjende spelemannen vår skal no slutte i Fylkesbåtane men kjem alltid til å vere en stor Fanøy-venn.
|
 Ja, her er den berykta tilflyttingsgruppa. Vi har møte kvar tysdag og det er alltid moro. Vi prøvar å jobbe i skjæringspunktet konstruktiv kreativitet. Det har resultert i beiestunt, plakatkampanje, ny nettside og presentasjons-dvd. Anne-Lise er det mest populære medlemmet i gruppa sidan ho sørgjer for kaffi og heimebakst. Ellers er Øyvind, Thomas, Anders og Ab med når dei har anledning.Gruppa har som mål å få tilflytting slik at barnehage og skule skal ha stor nok rekruttering. Vi skal la omverda få kjennskap til kvalitetane til Fanøy-samfunnet og fordelane ved å velje øylivet. Gruppa har også gjort eit omfattande arbeid når det gjeld kartleggjing av tomter og hus til utleige. Kom gjerne med innspel! Frå venstre Jolanda Tervoort, Trond Strømgren og Solgunn Lofnes. Bak Anne-Lise Nordstrand og Stein Olav Bakken.
|
 Sjå kor mykje vesle Sigurd har vakse! Han vart fødd 3. februar og er såleis den yngste innbyggjaren vår. Mamma Monica er lykkelig for at han et og søv og veks. Storebror Tor er stolt som bare det av den fine broren sin, og han likar å passe på og hjelpe til. Skjærtorsdag vart Sigurd Ulriksen Gjelsvik døypt her i Batalden. Presten fekk gode tips frå Tor slik at alt gjekk rett for seg under dåpen. Den 16. mai fyller Tor 3 år og det må sjølvsagt feirast. Odd- Atle er i full fart og godt humør som vanleg. Det gjekk unna i godveret når snekkar Magnus Sundal bygde på bua hans. Odd- Atle påstår at det skal bli pub. Ja, det hadde vore heilt supert. Med ein til kunne vi hatt pub til pub runde på Fanøy. Det hadde vore saker...Tilbygget vart fint det. Og det skal bli brukt til lagerplass for fiskereidskap. Nyebåten kjem i slutten av juni. Det vert spennande å sjå kor den nye Frøy vil sjå ut.
|
 Sigrid Batalden er fødd i 1917 og feira 90-års dagen sin 14. mars.Ho er framleis ei flott aktiv dame og seier at ho ikkje har tenkt så mykje på alderen sin.Ho er glad ho er frisk, kan gå kor ho vil og kose seg med hobbyane sine. Hagearbeid og veving er rein terapi. Sigrid har ikkje noko oppskrift på korleis ein skal bli 90, men trur det hjelper med godt humør og ei positiv innstilling til omgjevnadane. Og så har ho hatt eit godt samliv med mannen Øyvind som feira 100-års dagen sin 4.juledag. Dei bygde huset sitt i1959. Før den tid leigde dei det huset som Gunnhild Bjelland no har til galleri. Storebatalden var eit heilt lite samfunn med 26 personar i spredt alder. Så ho kjende ikkje så mange før ho flytta til Fanøy, men fann snart ut at det var kjekke folk å vere i lag med. Sigrid arbeidde som heimkunnskapslærar og sidan vart det Batalden Søm. Øyvind arbeidde 15 år i Svelgen på vedlikehaldsavdelinga på verket. Når han kom heim i helgane var det alltid stor stas. Så spør eg om ho synest været har endra seg mykje gjennom åra. Nei, vi har alltid hatt rikeleg med styggevær og uvær seier ho. Men det verkar som somrane var lengre før. Sigrid har mange gode minner frå at dei slo og henta høy rundt om på småøyane. Etter at vi gjorde dette intervjuet, gjekk Øyvind Batalden bort fredag 20. april.
|